ویڈیو : امریکی صدر کی نئی غلطی نے برازیل کے صدر کو شرمندہ کر دیا

امریکی صدر کی جانب سے ایک نئی غلطی برازیل کے صدر لوئیز اناسیو لولا دا سلوا سے ملاقات کے دوران ہوئی، جب جو بائیڈن ایک پریس کانفرنس کے بعد ان سے ہاتھ ملانا بھول گئے اور انہیں پوڈیم پر چھوڑ کر ان کی پریس کانفرنس ختم ہونے کے بعد فورا وہاں سے چلے گئے۔

ایک ویڈیو کلپ میں امریکی صدر کی جانب سے برازیل کے صدر سے پریس کانفرنس کے دوران ملاقات کے دوران عجیب و غریب ردعمل دکھایا گیا ہے۔ جب برازیلی صدر کانفرنس ختم ہونے کے بعد مصافحہ کرنے کے لیے اپنے امریکی ہم منصب کی طرف بڑھے تو بائیڈن نے اس سارے معاملے کو نظر انداز کرتے ہوئے مجمع کی طرف ہاتھ ہلایا اور پھر وہاں سے چلے گئے۔

ایسا لگتا ہے کہ بائیڈن کو اندازہ نہیں ہوا کہ ان کے برازیلی ہم منصب ان کی طرف بڑھ رہے ہیں۔ برازیلی صدر نے بعد میں انتہائی شرمندگی محسوس کی اور جلدی سے وہاں سے چلے گئے۔

بائیڈن اور برازیلی ہم منصب کی یہ ملاقات اقوام متحدہ کی جنرل اسمبلی کے اجلاسوں کے موقع پر ہوئی تھی۔

اس سے قبل بھی کئی مرتبہ امریکی صدر عجیب و غریب حرکتیں کرتے نظر آئے ہیں ان کے ناقدین ان کے بڑھاپے کو اس کی وجہ قرار دیتے ہیں۔