طاقت ور مقناطیسی طوفان کے زمین سے ٹکرانے کے مناظر

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

روسی انسٹی ٹیوٹ آف اپلائیڈ جیو فزکس نے ایک بیان میں بتایا کہ زمین پر ایک مضبوط مقناطیسی طوفان آ رہا ہے۔اس مقناطیسی طوفان سے 5 نومبر کے دوسرے نصف میں زمین کے مقناطیسی میدان میں خلل ریکارڈ کیا گیا تھا۔

خلائی موسم کی نگرانی کے اعداد و شمارکے مطابق زمین کے مقناطیسی میدان میں خلل کی ڈگری G3 کی سطح تک پہنچ گئی ہے۔

G3 لیول کا مطلب ہے کہ زمین پر بجلی کا نظام متاثر ہوسکتا ہے۔ حفاظتی نظاموں میں غلط الارم اور ٹرانسفارمر کے تیل کے ابلنے کا باعث بن سکتا ہے‘‘۔

روسی ٹاس کے مطابق ریڈیو نیویگیشن میں رکاوٹیں اور ریڈیو مواصلات میں خلل کا بھی امکان ہے۔

نیشنل اوشینک اینڈ ایٹموسفیرک ایڈمنسٹریشن (NOAA) کے اسپیس ویدر پریڈیکشن سینٹر نے کہا کہ کورونل ماس ایجیکشن (CMEs) اور تیز رفتار کورونل ہول اسٹریم کے نتیجے میں آنے والے شمسی طوفانوں کے اثرات پہلے ہی زمین پر پہنچ چکے ہیں۔

NOAA کے SWPC نے اتوار کو ایک مقناطیسی طوفان کا الرٹ جاری کیا جس میں مواصلاتی نظام اور خلائی جہاز کے کاموں میں ممکنہ مداخلت کی وارننگ دی گئی۔

مقبول خبریں اہم خبریں

مقبول خبریں