روسی جیل میں داعش کے قیدیوں کو یرغمال بنایا جا رہا
1241 قیدیوں کی گنجائش والی سرووکینو قصبے کی جیل کو سخت انتظام کے ساتھ تعزیری کالونی بنایا گیا
حکام نے بتایا کہ روسی سکیورٹی سروسز نے جمعے کے روز چار قیدیوں کو گولی مار کر ہلاک کر دیا جنہیں ایک پینل کالونی میں یرغمال بنایا گیا تھا۔ اس طرح چار ملازمین کو چاقو کے وار کرکے مرنے تک چھوڑ دیا گیا۔ انٹرنیٹ پر اپنی پوسٹ کردہ ویڈیو کلپس میں بتایا گیا کہ یہ لوگ داعش کے جنگجو تھے۔
روسی انفارمیشن ایجنسی کے مطابق نیشنل گارڈ نے بتایا کہ وولگوگراڈ کے علاقے میں روسی نیشنل گارڈ کے خصوصی دستوں کے ایک سنائپر نے چار درست گولیاں مار کر جیل کے ملازمین کو یرغمال بنانے والے چار قیدیوں کو بے اثر کر دیا۔ یرغمالیوں کو رہا کرا لیا گیا۔ فیڈرل پرزنز ایڈمنسٹریشن نے کہا ہے کہ حملے کے چار مجرموں کو ختم کردیا گیا۔ چار ملازمین چاقو لگنے کے بعد زخموں کی تاب نہ لاتے ہوئے دم توڑ گئے۔ دیگر ہسپتال میں زیر علاج ہیں۔
انہوں نے مزید کہا کہ جیل کے آٹھ ملازمین اور چار مجرموں کو یرغمال بنایا گیا تھا۔ حملے کے مجرموں کی طرف سے شائع کردہ ویڈیو کلپس میں سے ایک میں مرنے والے خون میں پڑے ہوئے دکھائی دے رہے تھے۔ ان میں سے ایک کو ذبح کیا گیا تھا۔ ایک قیدی چیخ کر کہ رہا ہے کہ وہ داعش سے ہیں۔ دیگر ویڈیو کلپس میں حملہ آوروں کو جیل کے صحن میں گھومتے ہوئے دکھایا گیا۔ یرغمالیوں میں سے ایک بیٹھا ہوا دکھائی دیا اور اس کا چہرہ خون میں ڈھکا ہوا نظر آیا۔
اس واقعے میں ملوث قیدیوں میں سے ایک نے دیسی ساختہ دھماکہ خیز جیکٹ پہنی ہوئی تھی اور دوسرے کے پاس چاقو اور ہتھوڑے تھے۔ ان کے مطالبات واضح نہیں تھے لیکن انہوں نے یہ بیانات دہرائے کہ روس ہر جگہ مسلمانوں پر ظلم کررہا ہے۔ اور وہ مسلمان قیدیوں کے ساتھ بدسلوکی کے جواب میں یہ کام کر رہے ہیں۔
روسی میڈیا کا کہنا ہے کہ چار مشتبہ افراد تاجکستان اور ازبکستان کے شہری ہیں اور ان میں سے تین کو منشیات سے متعلق جرائم کے ارتکاب کے الزام میں اور آخری کو جھگڑے میں ایک شخص کو قتل کرنے کے الزام میں قید کیا گیا تھا۔ اس جیل میں سخت انتظامات لاگو کیے گئے ہیں۔ یہ علاقے کے دارالحکومت وولگوگراڈ سے تقریباً 120 کلومیٹر مغرب میں واقع سرووکینو شہر میں واقع ہے اور اس میں لگ بھگ 1241 قیدیوں کی گنجائش ہے۔
46 سیکنڈ تک جاری رہنے والی ایک ویڈیو میں ایک آدمی نے چاقو اور دوسرے ہاتھ میں ایک گارڈ کو گردن سے پکڑ رکھا ہے۔ ایک اور ویڈیو کلپ میں چار حملہ آوروں کو دکھایا گیا ہے جن میں کم از کم دو چاقو اٹھائے ہوئے ہیں۔ ان میں سے ایک داعش کا جھنڈا اٹھائے ہوئے ہے۔
