کالز اور پیغامات کے لیے باربی کا نیا فون،سوشل میڈیا پلیٹ فارم تک رسائی کی سہولت نہیں

نوکیا برانڈڈ فون بنانے والی کمپنی HMD Global نے کہا ہے کہ اس نے کھلونا بنانے والی کمپنی Mattel کے ساتھ مل کر HMD Barbie لانچ کیا ہے، جو ایک گلابی، کمپیکٹ فولڈ ایبل فون ہے جس میں کلاسک ڈیزائن اور اسمارٹ فون کی چند خصوصیات ہیں۔

یہ فون بدھ تک 99 پاؤنڈ 131.24 ڈالر کی قیمت پر دستیاب ہوگا۔

ڈیوائس صارفین کو کال کرنے اور ٹیکسٹ پیغامات بھیجنے کی اجازت دیتی ہے، لیکن یہ سوشل میڈیا ایپلی کیشنز تک رسائی فراہم نہیں کرتی ہے۔

یہ موبائل باربی ڈول کے 65 سال کی مدت پوری ہونے کے ساتھ لانچ کیا جا رہا ہے۔ یہ گذشتہ سال کی باربی فلم کی کامیابی کے بعد جاری کیا جا رہا ہے جس میں مارگٹ روبی نے کام کیا تھا اور عالمی باکس آفس پر اس نے 1.4 بلین ڈالر کمائے تھے۔

ریسرچ فرم CCS Insights کا خیال ہے کہ HMD برطانیہ میں ووڈافون اور آرگس کے ذریعے چار لاکھ سے زیادہ باربی فون فروخت کر سکتا ہے۔

فن لینڈ کے ایچ ایم ڈی جسے الفابیٹ انک کے گوگل اور کوالکوم کی حمایت حاصل ہے نے متعدد کلاسک فونز لانچ کیے ہیں جن میں اسمارٹ فون کی چند خصوصیات شامل ہیں۔ ان میں کلاسک Nokia فونز کے نئے ورژن جیسے 3210 اور 3310 کی دوبارہ ریلیز شامل ہے۔