وقت مطالعہ
گھنٹہ
ایرانی صدر مسعود پیزشکیان نے تہران میں قطری وزیر اعظم اور وزیر خارجہ الشیخ محمد بن عبدالرحمن آل ثانی سے ملاقات کی۔ اس موقعے پر دونوں ممالک کے درمیان تعلقات اور انہیں فروغ دینے کے طریقوں کا جائزہ لیا گیا۔ دونوں رہ نماؤں نے غزہ اور لبنان کی تازہ ترین صورتحال پر تبادلہ خیال کیا۔
اسی دوران قطری وزیر خارجہ نے اپنے ایرانی ہم منصب عباس عراقچی سے ملاقات کی۔ دونوں ممالک کے درمیان تعاون، تعلقات اور ان کی حمایت کا جائزہ لیا۔ انہوں نے خطے بالخصوص غزہ کی پٹی کی تازہ ترین پیش رفت پر تبادلہ خیال کیا۔ اس کے علاوہ لبنان سمیت دیگر باہمی دلچسپی کےامور پرتبادلہ خیال کیا۔
