’جو اپنے ملک کو بچاتا ہے وہ قانون کی خلاف ورزی نہیں کرتا‘ٹرمپ نےنپولین کا قول کیوں نقل کیا

امریکی صدر ڈونلڈ ٹرمپ نے فرانسیسی شہنشاہ نپولین بونا پاٹ کا ایک پیرا فریسڈ اقتباس نقل کر کے یہ تاثر دینے کی کوشش کی ہے گویا وہ قانون سے بالاتر ہیں۔ انہوں نے نپولین کا قول نقل کرکے اپنے خلاف تنقید کے دروازے کھول دیے۔

ٹرمپ نے ہفتے کے روز ٹویٹر پر لکھا کہ "جو اپنے ملک کو بچاتا ہے وہ کسی قانون کی خلاف ورزی نہیں کر رہا ہے"۔

ٹرمپ کی پوسٹ نے ڈیموکریٹس کی طرف سے تنقید کا دروازہ کھول دیا۔کیلیفورنیا کے رکن کانگریس ایڈم شیف نے کہا کہ "وہ ایک حقیقی آمر کی طرح بولتا ہے"۔

ٹرمپ جنہوں نے صرف تین ہفتے قبل دوسری مدت کے لیے عہدہ سنبھالا تھا، اپنے طرز حکمرانی پر تنقید کا سامنا کر رہے ہیں۔

نپولین 1821 میں جو بحر اوقیانوس کے جزیرے سینٹ ہیلینا میں جلاوطنی میں فوت ہوا آج تک فرانسیسیوں کے درمیان وجہ نزاع ہے۔

کچھ لوگ اسے ایک اصلاح پسند شخصیت اور اہم اداروں کے بانی کے طور پر دیکھتے ہیں، جب کہ دوسرے اسے ایک آمرانہ حکمران کے طور پر دیکھتے ہوئے اس کےسیاسی خیالات کے خلاف ہیں۔