ومبلڈن نے پرتگالی کھلاڑی کو جوتا کی شرٹ پہننے سے روک دیا

ومبلڈن نے پرتگالی کھلاڑی نونو بورجیس کو روسی کیرن خاچانوف کے خلاف میچ کے دوران اپنے ہم وطن ڈیوگو جوتا کی شرٹ پہن کر اسے خراج تحسین پیش کرنے سے روک دیا۔ ٹورنامنٹ کے سخت ڈریس کوڈ نے انہیں ایسا کرنے کی اجازت نہیں دی۔ ومبلڈن کے منتظمین نے پرتگالی ٹینس کھلاڑی نونو بورجیس کو کیرن خاچانوف کے خلاف اپنے میچ میں پرتگال کی شرٹ پہننے کی اجازت نہیں دی تاکہ وہ مرحوم ڈیوگو جوتا کو خراج تحسین پیش کر سکیں۔

لندن ٹورنامنٹ کے سخت ڈریس کوڈ کے تحت کھلاڑیوں کو خالص سفید لباس پہننے کی ضرورت ہوتی ہے جس میں چند معمولی استثنائی صورتیں شامل ہیں اور کم سے کم رنگین دھاریوں کی اجازت دے دی جاتی ہے یا بازو پر پٹی کی اجازت دی جاتی ہے۔

تاہم جوتا اور ان کے بھائی آندرے کے ساتھ ہونے والے سانحے کے پیش نظر ٹینس کھلاڑیوں کو جوتا کو سیاہ پٹی پہن کر خراج تحسین پیش کرنے کا موقع فراہم کیا گیا۔ بورجیس اور ڈبلز کھلاڑی فرانسسکو کیبرال دونوں نے یہ پٹی پہنی۔ یاد رہے جوٹا اور ان کے بھائی جمعرات کے روز ایک ٹریفک حادثے میں انتقال کر گئے تھے۔

خاچانوف سے ہارنے کے بعد بورجیس نے بتایا کہ میں جانتا ہوں کہ ومبلڈن عام طور پر لباس کے معاملے میں لچکدار نہیں ہے لیکن انہوں نے کہا کہ میں جوتا کو خراج تحسین پیش کرنے کے لیے کچھ کر سکتا ہوں۔ لہذا میرے خیال میں یہ ایک اچھا اشارہ تھا۔ وہ ایک عظیم فٹ بال کھلاڑی تھے اور یہ ایک المیہ ہے۔ ابتدا میں ہم نے کورٹ سے باہر نکلتے وقت پرتگال کی شرٹ پہننے کی بات کی تھی۔ میں نے ایک سفید شرٹ تلاش کرنے کی بھی کوشش کی، لیکن انہوں نے اسے مسترد کر دیا، لہذا ہم نے کچھ چھوٹا کیا۔