پورٹ سوڈان میں کے ایس ریلیف کا جلے ہوئے مریضوں کے لیے طبی منصوبہ مکمل

سعودی عرب کی امدادی ایجنسی کے ایس ریلیف نے پورٹ سوڈان میں جلے ہوئے زخموں اور مسخ شدہ اعضاء والے مریضوں کے لیے رضاکارانہ کاسمیٹک سرجری کا منصوبہ مکمل کر لیا ہے۔

سعودی پریس ایجنسی کی ایک حالیہ رپورٹ کے مطابق سعودی مملکت کے 17 ماہر رضاکاروں نے اس اقدام میں حصہ لیا جو 13 سے 20 ستمبر تک جاری رہا۔ ٹیم نے 92 سرجری کیں اور سوڈانی طبی عملے کے 40 ارکان کو تربیت دی۔

اپنے قیام کے بعد سے اب تک کے ایس ریلیف نے 33 ممالک میں 172 امدادی منصوبے انجام دیئے ہیں جن میں سب سے زیادہ فائدہ اٹھانے والا ملک یمن ہے۔

دوسرے بڑے مستفید ہونے والے ممالک میں شام، فلسطین، صومالیہ، پاکستان اور سوڈان شامل ہیں۔

کے ایس ریلیف نے 98 شراکت داروں کے ساتھ مل کر غذائی تحفظ، پناہ گاہوں، خیموں کے اتنظام، تعلیم، صحت، غذائیت، پانی اور صفائی، ہنگامی مواصلات اور رسل و رسائل کے منصوبوں پر کام کیا ہے۔