ترکیہ کے صدر طیب ایردوآن نے امریکی صدر کے پیش کردہ غزہ امن منصوبے کے بعد کی صورت حال پر تبادلہ خیال کے لیے انہیں فون کیا ہے۔
جمعہ کے روز کی گئی اس فون کال پر طیب ایردوآن نے اپنے امریکی ہم منصب کی غزہ میں امن کوششوں کو سراہا اور کہا ترکیہ ان کے تازہ امن منصوبے کی حمایت کرتا ہے۔
تاہم ایردوآن نے اس موقع پر کہا اس منصوبے کو کامیاب بنانے کے لیے اسرائیل کو بھی اپنے حملے اور جنگی کارروائیاں روکنی چاہییں۔
دونوں صدور کی فون پر بات چیت کے بارے میں جاری کردہ بیان میں کہا گیا ہے کہ ترکیہ خطے میں امن کے لیے کوششوں کی حمایت جاری رکھے گا ۔ نیز ان سب کوششوں کی بھی تائید کرتا رہے گا جو عالمی امن کی خاطر ہوں گی۔
بیان کے مطابق دونوں رہنماؤں نے اس موقع پر دو طرفہ تعلقات اور معاہدات پر بھی بات چیت کی اور باہمی تعاون میں اضافے کے لیے مزید اقدامات پر زور دیا گیا۔ خصوصاً دفاعی صنعت کے لیے تعاون بڑھانے پر غور کیا گیا۔
