وقت مطالعہ
گھنٹہ
غزہ کے جنوبی شہر خان یونس میں الناصر ہسپتال نے کہا ہے کہ اسے جنگ بندی معاہدے کے تحت جمعہ کو 15 فلسطینیوں کی لاشیں موصول ہوئیں۔
ایک بیان میں ہسپتال نے کہا: "لاشوں کے تبادلہ معاہدے کے تیرھویں بیچ کے تحت فلسطینی شہداء کی 15 لاشیں الناصر میڈیکل کمپلیکس پہنچیں جس کے بعد موصولہ لاشوں کی کُل تعداد 330 ہو گئی۔"
جنگ بندی معاہدے کے تحت اسرائیل کو ہر ہلاک شدہ اسرائیلی کے بدلے 15 فلسطینیوں کی لاشیں واپس کرنا ہیں۔
اسرائیل نے راتوں رات اس بات کی تصدیق کی کہ حماس نے 73 سال کی عمر میں ہلاک ہونے والے اسرائیلی یرغمال مینی گوڈارڈ کی باقیات واپس کر دیں۔
اسرائیلی فوج نے گوڈارڈ کے اہلِ خانہ کو مطلع کر دیا ہے کہ "ان کا عزیز اسرائیل واپس آ گیا ہے اور اس کی شناخت مکمل ہو گئی ہے،" وزیرِ اعظم بنجمن نیتن یاہو کے دفتر نے کہا۔
