وینزویلا کی نائب صدر اور وزیر برائے تیل ڈیلسی روڈریگز نے پیر کو ملک کی عبوری صدر کے طور پر باضابطہ حلف اٹھا لیا۔ جبکہ دوسری جانب معزول کردہ صدر نکولس مادورو منشیات کے الزام میں نیویارک کی ایک عدالت میں پیش ہوئے جنہیں ٹرمپ انتظامیہ نے ہفتے کے آخر میں ایک ڈرامائی فوجی کارروائی کر کے اقتدار سے ہٹا دیا تھا۔
چھپن سالہ وکیل روڈریگز کے بھائی جارج نے ان سے حلف لیا جو قومی اسمبلی کی مقننہ کے سربراہ ہیں۔ روڈریگز نجی شعبے سے قریبی روابط اور حکمران جماعت سے اپنی وفاداری کے لیے مشہور ہیں۔
پیر کے روز 283 قانون سازوں نے بھی حلف اٹھایا جو گذشتہ مئی میں منتخب ہوئے تھے۔ دوسری جانب حزبِ اختلاف میں صرف ایک مختصر سی تعداد ہے کیونکہ زیادہ تر اپوزیشن بالخصوص نوبل انعام یافتہ ماچاڈو کے حامی دھڑے نے بائیکاٹ کیا۔
واحد غیر حاضر قانون ساز خاتونِ اول سیلیا فلورس تھیں جو امریکی حراست میں ہیں۔
