جوتوں کے ساتھ قفاطین کے بھی رمضان کے لیے شاندار اور جدید ڈیزائنز
رمضان کے آغاز کے ساتھ ہی وہ خاندانی اجتماعات دوبارہ شروع ہو جاتے ہیں جہاں آرام دہ اور محتشم لباس کی ضرورت ہوتی ہےاور اس دوران عبا اور قفاطین (چولا)خوبصورتی اور باوقار انداز کے اہم حصے بن جاتے ہیں۔
اس کے ساتھ ہی لوازمات (اکیسسریز) مکمل انداز کو نمایاں کرتے ہیں۔اس موقع پر ڈیزائنرز خصوصی رمضان کلیکشن پیش کرتے ہیں۔ ذیل میں کچھ ایسے ڈیزائنز کی مثالیں دی جا رہی ہیں ،جو سادگی اور شانداری کو یکجا کرتے ہیں:
ٹونی ورد کا مجموعہ
مشہور ڈیزائنر ٹونی ورد نے رمضان کے لیے قفاطین(لمبے چولے) کا ایک مجموعہ پیش کیا، جس کا نام "روشنی اندر سے'' رکھا گیا۔ یہ مجموعہ روشنی کو ایک اندرونی احساس کے طور پر ظاہر کرتا ہے، نہ کہ صرف ظاہری چمک کے لیے۔
ورد کے مطابق اس مجموعے میں قفطان صرف ایک لباس نہیں بلکہ سکون اور پر اعتماد موجودگی کی علامت ہے۔ انہوں نے کہا:میں ایک خاموش طاقت کی نمائندگی کرنا چاہتا تھا، ایک ایسی روشنی جو دیکھنے کے لیے نہیں بلکہ محسوس کرنے کے لیے ہے۔
ان قفاطین کو ساتی ریشمی، کریپ ماروکان اور جکار جیسے کپڑوں سے تیار کیا گیا ہے اور ہلکی کشیدہ کاری سے سجایا گیا ہے تاکہ ایک پرکشش اور متوازن حس پیدا ہو۔ رنگوں میں ہاتھی دانت کا سفید، نیلا، ہلکا گلابی، برگنڈی اور گہرا نیلا (کحلی) شامل ہیں۔
دار سکیابارلی کا مجموعہ
رمضان کے دوران لباس کا انتخاب خود اظہارِ شخصیت کا ذریعہ بن جاتا ہے۔ Schiaparelli کی رمضان کلیکشن میں ایسے اسٹائلز شامل ہیں ،جو توازن، روانی اور خاموش طاقت کا امتزاج پیش کرتے ہیں۔اس مجموعے میں شامل ہیں:
کریپ اور پاپلین کے لباس جو ہلکے سنہری بٹنوں سے سجے ہیں۔
ڈھیلے سادہ سوتی اور ریشمی پتلونیں جو آرام دہ اور نرم محسوس ہوتی ہیں۔
وِسکوز کے آرام دہ سیٹ جو راحت اور نرمی کا توازن دکھاتے ہیں۔
رافیا اور بچھڑے کی چمڑے کی بیگز جو مکمل انداز میں اضافی خوبصورتی پیدا کرتے ہیں۔
دار روجیر ویویئر کا مجموعہ
دار روجیر ویویئرنے رمضان کے موقع پر اور اپنے بانی کے 60 سالہ یادگار جشن کے لیے Belle Vivier جوتوں کا خصوصی انتخاب پیش کیا۔یہ جوتے پیرس کی کلاسیکی شانداری کی علامت ہیں اور وقت کی قید سے آزاد ہیں۔ اس کلیکشن میں:
آئیکونک ڈیزائنز کی سنہری شیڈز۔
نرم چمکدار اور جدید لائنیں۔
سبز رنگ جو شاندار ڈیزائن کی ہنرمندی کو اجاگر کرتا ہے۔
یہ دونوں کلیکشنز رمضان میں خوبصورتی، راحت اور پر وقار انداز کو یکجا کرتی ہیں اور ہر تقریب یا خاندانی ملاقات کے لیے موزوں ہیں۔
