ڈونلڈ ٹرمپ نے سوشل میڈیا پر پوپ لیو چہاردہم کو آڑے ہاتھوں لیتے ہوئے کہا ہے کہ ’میں ایسا پوپ نہیں چاہتا جو یہ سمجھے کہ ایران کے لیے جوہری ہتھیار رکھنا ٹھیک ہے۔‘
یہ تنقید رومن کیتھولک چرچ کے پہلے امریکی سربراہ کی جانب سے ایران کے خلاف امریکی صدر کی دھمکی کی مذمت کرنے پر کی گئی۔
ٹروتھ سوشل پر ایک طویل پوسٹ میں، امریکی صدر نے لکھا کہ پوپ خارجہ پالیسی کے لیے ’انتہائی خراب‘ ہیں۔ ٹرمپ نے کہا،
پوپ کے بارے میں دیگر شکایات گنواتے ہوئے، ٹرمپ نے لکھا کہ پوپ لیو ’جرائم کے معاملے میں کمزور، جوہری ہتھیاروں کے معاملے میں کمزور‘ ہیں۔
گذشتہ ہفتے، پوپ لیو نے ٹرمپ کی اس دھمکی پر تنقید کی تھی کہ اگر ایران نے جنگ کے خاتمے کے لیے معاہدہ نہ کیا تو ’ایک پوری تہذیب آج رات مر جائے گی‘۔
اسے ’واقعی ناقابلِ قبول‘ قرار دیتے ہوئے، انھوں نے مزید کہا تھا کہ ’یقیناً بین الاقوامی قانون کے سوالات موجود ہیں، لیکن اس سے بڑھ کر یہ ایک اخلاقی سوال ہے۔‘
