خلیفہ بغدادی کے حکم پر 56 داعشی جنگجو قتل

عراق اور شام میں برسرپیکار سخت گیر جنگجو گروپ دولت اسلامی (داعش) کے سربراہ ابوبکر البغدادی کے حکم پر شمالی شہر اربیل کے نواح میں شکست کے بعد چھپن داعشی جنگجوؤں کو قتل کر دیا گیا ہے۔

العربیہ نیوز چینل نے کردستان جمہوری پارٹی کے شمالی شہر موصل میں ایک عہدے دار سعید مموزینی کے حوالے سے بتایا ہے کہ داعش کے خلیفہ ابوبکر البغدادی نے کردستان کے علاقائی دارالحکومت اربیل کے جنوب میں واقع علاقے کوبر میں داعش کے جنگجوؤں کی شکست کے بعد اس کے ذمے داروں کو قتل کرنے کا فیصلہ کیا تھا۔

اس عہدے دار کے بہ قول داعش کے ان جنگجوؤں کو موصل کے مشرق میں واقع علاقے النمرود میں فائرنگ کرکےموت کے گھاٹ اتار دیا گیا ہے۔انھوں نے مزید بتایا ہے کہ کرد ملیشیا البیش المرکہ اور داعش کے درمیان کوبر میں لڑائی میں ان کے تین سو جنگجو مارے گئے تھے اور البیش المرکہ کے ڈیڑھ سو ارکان ہلاک ہوئے تھے۔