کویت : حزب اللہ سے تعلق، 60 لبنانیوں کا قیام منسوخ

کویت میں سیکورٹی ذرائع نے بتایا ہے کہ حکام نے حزب اللہ سے تعلق کے سبب 60 لبنانی باشندوں کے قیام کے اجازت نامے منسوخ کردیے ہیں۔

کویتی اخبار القبس کے مطابق خلیجی ممالک کی تعاون کونسل کی جانب سے حزب اللہ کو دہشت گرد تنظیم قرار دیے جانے کے بعد کویتی وزارت داخلہ لبنانی شہریت رکھنے والے ایسے افراد کا خصوصی تعاقب کررہی ہے جن پر سیکورٹی پابندیاں عائد ہیں۔

ادھر کویت میں شہریت اور پاسپورٹ کے امور کے نائب سکریٹری مازن الجراح نے باور کرایا ہے کہ ملک کی سیکورٹی "ریڈ لائن" ہے جسے کوئی بھی ایسا شخص عبور نہیں کرسکتا جو کویت میں ممنوعہ افکار کی حامل تنظیموں سے تعلق رکھتا ہو۔