حج میں رمی جمرات کا نیا شیڈول، روزانہ چار گھنٹے پابندی

سعودی عرب کی وزارت امور حج نے طواف کے نگراں اداروں کے ساتھ مل کر ایام حج کےدوران رمی جمرات کا نیا شیڈول جاری کیا ہے۔ اس شیڈول کے مطابق اندرون ملک سے آئے حجاج کرام روزانہ چار گھنٹوں کے لیے رمی جمرات کے لیے اپنے خیموں سے باہر نہیں نکلیں گے۔

العربیہ ڈاٹ نیٹ کے مطابق ایام حج کے دوران دسویں روز صبح چھ سے دن 10 بجے تک رمی جمرات پرپابندی ہوگی۔ گیارہویں روز 14 بجے تک شام 18 بجے تک جب کہ تیرہویں روز ساڑھے تین گھنٹے کی پابندی ہوگی اور یہ پابندی دن ساڑھے دس بجے سے 14 بجے تک برقرار رہے گی۔

رمی جمرات کے پابندی کے اوقات کا اعلان وزارت حج اور ترکی، یورپ، امریکا اور آسٹریلیا کے حجاج کرام کے طواف کی ذمہ نجی تنظیم کے عہدیداروں کے ساتھ ملاقات کے دوران کیا گیا۔ رمی جمرات کے اوقات کا تعین جمروں کے قریب حجاج کا رش کم کرنے کی غرض سے کیا گیا ہے۔