شام کی سرحد پر حزب اللہ کی تنصیبات پراسرائیلی بمباری کی تردید

لبنانی شیعہ ملیشیا حزب اللہ نے شام کی سرحد کے قریب واقع بعلبک میں تنظیم کے ایک مرکز پر اسرائیلی طیاروں کی بمباری کی تردید کی ہے۔

خیال رہے کہ مشرقی لبنان میں بعلبک کے مقام پرحزب اللہ کے ایک مرکز میں زور دار دھماکے کی آواز سنی گئی تھی۔

العربیہ اور الحدث چینلوں کے مطابق شام اورلبنان کی سرحد پر جنگی طیاروں کی پروازوں اور ایک بم دھماکے کی آواز سنی گئی ہے۔

گذشتہ پانچ سال کے دوران اسرائیلی فوج شام اور لبنان کے اندر اور باہر حزب اللہ اور دوسرے عسکریت پسنددوں کے ٹھکانوں پر بمباری کر رہا ہے۔