لیبی فوج نے درنہ شہر میں 2 انتہائی خطرناک دہشت گرد ہلاک کر دیئے

لیبیا میں فوج نے اعلان کیا ہے کہ درنہ شہر میں عمر المختار آپریشنز روم کے ماتحت عسکری یونٹوں نے معاون فورس کے ساتھ مل کر دو دہشت گردوں عمر جمعہ الشعلالی اور محمد الطشانی کو موت کے گھاٹ اتار دیا۔

واضح رہے کہ یہ دونوں دہشت گرد درنہ شہر کے پرانے علاقے میں روپوش خطرناک ترین شدت پسندوں میں سے تھے۔ انہیں پیر کی شب سکیورٹی آپریشن کے دوران ہلاک کیا گیا۔

لیبیا کی فوج نے مئی 2014 میں بنغازی میں "انصار الشريعہ" تنظیم اور "مجلس شورى انقلابیان بنغازی" میں شریک اس کی حلیف فورسز کے خلاف بڑا آپریشن شروع کیا تھا۔