حوثی باغیوں پر 160 خواتین کے جبری اغواء کا الزام

یمن میں انسانی تجارت کی روک تھام کے لیے کام کرنے والی ایک تنظیم نے بتایا ہے کہ حوثی ملیشیا نے دسیوں خواتین کو اپنے زیرتسلط علاقوں سے اغواء کررکھا ہے۔

العربیہ ڈاٹ نیٹ کے مطابق انسانی حقوق کے لیے کام کرنے والی تنظیم کے مطابق حوثی باغیوں‌نے 160 خواتین کو اغواء کررکھا ہے۔ رپورٹ کے مطابق حوثی باغیوں کی طرف سے خواتین کے حقوق کی سنگین پامالیاں جاری ہیں۔

رپورٹ کے مطابق حوثی باغیوں کی جانب سے خواتین کا منظم اغواء اور انہیں قید وبند میں رکھنا معمول بن چکا ہے۔ شہریوں کو بلیک میل کرنے کے لیے بھی یہ مکروہ حربہ استعمال کیا جاتا ہے۔