یمن:الضالع گورنری میں حوثی باغیوں کی لاشوں کے ڈھیر لگ گئے، 70 جنگجو ہلاک

یمن کی شمال مغربی گورنری میں 'حمک' کے محاذ پر سرکاری فوج اور اس کی معاون مزاحمتی ملیشیا کی جانب سے ایران نواز حوثی باغیوں‌کے خلاف کی گئی کارروائی میں 70 جنگجو ہلاک اور 20 زخمی ہوگئے۔

یمن کی سرکاری فوج ترجمان ویب سائیٹ'ستمبرنیٹ' کے مطابق منگل کے روز الضالع گورنری کے علاقوں الخمیس بازار،عدان ڈاریکٹوریٹ میں ذو الرخام روڈ اور مغرب میں حمک کے مقام پر حوثی باغیوں اور فوج کے درمیان گھمسان کی جنگ ہوئی جس میں باغیوں کوبھاری جانی نقصان اٹھانا پڑا ہے۔ بیان میں مزیدکہاگیا ہے کہ الضالع گورنری میں حوثی باغیوں کی طرف سے کیا گیا حملہ پسپاکردیا گیا۔

لڑائی میں کم سے کم 70 جنگجو ہلاک اور 20 زخمی ہوئے ہیں جب کہ بڑی تعدادمیں باغیوں کے جنگی آلات اور اسلحہ بھی تباہ کیا گیا ہے۔