سعودی عرب کی مشرقی افغانستان میں خود کش حملے کی شدید مذمت

سعودی عرب نے افغانستان کے مشرقی صوبہ لغمان میں خودکش حملے کی مذمت کرتے ہوئے کابل حکومت کے ساتھ مکمل یکجہتی کا اظہار کیا ہے۔ صوبہ لغمان میں گذشتہ روز ہونے والے ایک خود کش حملے میں بچوں سمیت متعدد افراد جاں بحق ہوگئے تھے۔

العربیہ ڈاٹ نیٹ کے مطابق سعودی عرب کے ایک سینیر حکومتی عہدیدار نے افغانستان میں تشدد ، دہشت گردی اور انتہا پسندی کے واقعات کی شدید مذمت کی اور انہیں مسترد کردیا۔

الریاض حکومت نے دہشت گردی کے واقعات سے متاثرہ شہریوں اور اسلامی جمہوریہ افغانستان کی حکومت اورعوام سے تعزیت اور ہمدردی کا اظہار کرتے ہوئے زخمیوں کی جلد صحت یابی کی دعا کی۔