لبنانی صدرکابیروت دھماکے کی تحقیقات کرنے والے جج کی برطرفی پرحزب اللہ سے اختلاف

لبنانی صدر میشیل عون نے پیر کے روز کہا ہے کہ وہ بیروت کی بندرگاہ پر تباہ کن دھماکے کی تحقیقات کرنے والے جج کو برطرف کرنے پرشیعہ گروپ حزب اللہ سے متفق نہیں ہیں۔

طارق بیطاربیروت بندرگاہ پر گذشتہ سال 4 اگست کو ہونے والے دھماکے میں 200 سے زیادہ افراد کی ہلاکت کی تحقیقات کررہے ہیں۔

حزب اللہ، امل اورعیسائی مراڈا موومنٹ نے طارق بیطارپر الزام لگایا ہے کہ انھوں نے مؤخرالذکردو جماعتوں سے وابستہ سابق وزرا سے پوچھ گچھ کرنے کی کوشش کی ہے اور اس طرح تحقیقات پر سیاست کی ہے۔

میشیل عون نے الجزیرہ ٹی وی کو یہ بھی بتایا کہ وہ اپنی صدارتی مدت کے اختتام پر اپنا عہدہ چھوڑ دیں گے،الّا یہ کہ پارلیمنٹ یہ فیصلہ کرتی ہے کہ انھیں بدستور صدر رہنا چاہیے۔