سعودی عرب:بدعنوانی کے الزامات کے تحت 241 ملزمان سے تحقیقات

سعودی عرب میں انسداد بدعنوانی کے سرکاری ادارے "نزاہہ" نے کہا ہے کہ اس نے رجب 1444ھ کے مہینے میں 2194 مانیٹرنگ راؤنڈز کے ذریعے متعدد فوجداری اور انتظامی مقدمات کا آغاز کیا ہے۔

انسداد بدعنوانی کمیشن کے ’ٹویٹر‘پر شائع ہونے والے ایک بیان میں کہا ہے کہ تحقیقات میں 241 مشتبہ افراد شامل ہیں۔ان میں سے 159 کو گرفتار کیا گیا تاہم بعد میں انہیں ضمانت پر رہا کیا گیا تھا۔

بیان میں کہا گیا ہے کہ ملزمان رشوت خوری، اثرورسوخ کے غلط استعمال، منی لانڈرنگ اور جعلسازی کے الزامات میں ملوث ہیں۔

مبینہ بدعنوانی کے الزامات کا سامنا کرنے والے ملزمان وزارت داخلہ، دفاع، انصاف، میونسپل اور دیہی امور، ہاؤسنگ، صحت اور تعلیم کے علاوہ زکوٰۃ، ٹیکس اور کسٹم اتھارٹی کی وزارتوں سے تعلق رکھتے ہیں۔