مملکت میں 2030 تک سیاحوں کا ہدف دوگنا کر دیا، وزیر سیاحت احمد الخطیب

سعودی عرب میں 2023 کے دوران آنے والے غیر ملکی سیاحوں کی تعداد 27 ملین رہی۔ جبکہ سعودی وزارت سیاحت نے اس دہائی کے اختتام یعنی 2023 تک سیاحوں کی اس تعداد کو دوگنا کرنے کا ہدف مقرر کیا ہے۔ یہ بات سیاحت سے متعلق حکام نے منگل کے روز بتائی ہے۔

یہ نیا سیاحتی ہدف مملکت کے تقریباً 4 سال پہلے آنے والے سیاحتی ویژن کے بعد سامنے آیا ہے۔ مملکت نے اس سے پہلے ہی سیاحت کے فروغ کے لیے غیر معممولی اقدامات کر رکھے ہیں۔ اس سلسلے میں ابھی بھی بہت سارے منصوبے جاری ہیں۔

وزیر سیاحت احمد الخطیب نے کہا 'اس سال ہمارے ہاں مجموعی طور پر سیاحوں کے آنے کی تعداد 100 ملین رہی ہے۔ جن میں سے 77 ملین مقامی سیاح تھے جبکہ بقیہ دوسرے ملکوں سے آئے تھے۔'

2030 تک سیاحوں کی مجموعی تعداد 150 ملین ہوجائے گی۔ جو پہلے سے طے شدہ سیاحتی ہدف 100 ملین سے زیادہ ہوگی۔

ولی عہد شہزادہ محمد بن سلمان کے ویژن 2030 کے اصلاحاتی ایجنڈے میں سیاحت بطور خاص شامل ہے۔ یہ خام تیل کے علاوہ آمدنی حاصل کرنے کا ایک طویل مدتی منصوبہ ہے۔

سعودی عرب نے سرزمین حرمین پر حالیہ برسوں میں سینما گھروں اور خواتین و مردوں کے مخلوط محافل موسیقی اور کھیلوں کے سللسے میں پرانے قوانین کو نرم کر دیا ہے۔ اس کے علاوہ بحیرہ احمر کے ساتھ بننے والے 'ریزورٹس' کی تکمیل کے مرحلے آگے بڑھنے کا امکان ہے۔