اسرائیل جنگ کے پھیلاؤ کے لیے تیار ہے مگر پھیلانا نہیں چاہتا : یوو گیلنٹ

اسرائیلی وزیردفاع یوو گیلنٹ نے کہا ہے کہ اسرائیل جنگ کے پھیلاؤ سمیت ہر چیز کے لیے تیار ہیں اور ہر طرح کے منظر نامے سے نمٹ سکتے ہیں مگر اس کے باوجود جنگی پھیلاؤ نہیں چاہتے ہیں۔

یوو گیلنٹ نے بدھ کے روز گفتگو کرتے ہوئے اسرائیلی فوج کی تعریف کی کہ اس نے پچھلی رات خوب کارروائی کی۔ جس کے نتیجے میں بیروت میں حزب اللہ کا کمانڈر مارا گیا ہے۔

انہوں نے اس امر کا اظہار اپنے دورے کے موقع پر کیا۔ ان کا کہنا تھا ' ایرانی حمایت یافتہ حزب اللہ ہفتے کے دن کیے گئے حملے کی ذمہ دار ہے۔ اس میزائل حملے میں 12 بچے اور نوجوان ہلاک ہوئے تھے۔ '

یوو گیلنٹ نے اپنی فوج کے تازہ حملوں کی تعریف کرتے ہوئے کہا ۔ بیروت میں رات کے وقت ہماری فوج نے بڑا ٹھیک نشانہ لے کر حملہ کیا ہے ، یہ قابل تعریف کارروائی ہے۔ وزیر دفاع کا یہ بیان ان کے دفتر نے جاری کیا ہے۔

انہوں نے مزید کہا ' ہم ہر طرح کے امکان کے لیے تیار ہیں ہم جانتے ہیں کہ ہمیں اپنی ضرورت کے مطابق لازماً تیار رہنا ہے ، اس لیے ہم ہر سطح پر اپنا کام کرتے ہیں ، مگر اس کے باوجود ہم جنگ کا پھیلاؤ نہیں چاہتے ہیں۔