سعودی عرب کا یمن میں قابل تجدید توانائی سے پانی کو محفوظ بنانے کے منصوبے کا آغاز

یمن کے لیے سعودی عرب کے ترقیاتی اور تعمیر نو کے پروگرام’اعماریمن‘ کے زیراہتمام عدن گورنری میں قابل تجدید توانائی کی مدد ے پانی کو صاف کرنے اور اسے محفوظ بنانے کے منصوبے کا آغاز کیا گیا ہے۔ اس منصوبے سے عدن کے اضلاع میں رہنے والے کم از کم آٹھ لاکھ افراد کو براہ راست فائدہ پہنچے گا جب کہ بالواسطہ طور پر عدن گورنری میں تقریباً 1.5 ملین افراد مستفید ہوں گے۔ یہ منصوبہ سعودی ڈویلپمنٹ اینڈ ری کنسٹرکشن آف یمن اور صلہ ڈیولپمنٹ فاؤنڈیشن کے تعاون سے شروع کیا گیا ہے۔

یہ منصوبہ قابل تجدید توانائی کے استعمال کے ذریعے پائیدار طریقے سے پمپ کیے جانے والے پینے کے پانی کی مقدار میں اضافہ کرے گا۔ فیلڈز میں پانی کے وسائل کو مؤثر طریقے سے منظم کرنے کی کارکردگی کو بہتر کرنے میں مدد دے گا، کارکنوں کو شمسی توانائی کو برقرار رکھنے اور استعمال کرنے کی مہارت فراہم کرے گا۔ صارفین کی بنیادی پانی کی ضروریات کو پورا کرنے کے لیے عدن میں مقامی واٹر کارپوریشن کی صلاحیت کو بہتر بنانے میں مدد دے گا اور عدن گورنری میں آبادی کی بنیادی ضرویات کی خدمات فراہم کرنے کے لیے بنیادی اور اہم خدمات کے شعبوں کی حمایت کرتا ہے۔

یہ منصوبہ پیداواری پانی کے شعبوں کے بنیادی ڈھانچے کی کارکردگی کو بڑھاتا ہے اور کاربن کے اخراج کو کم کرنے اور روزگار کے مواقع فراہم کرنے کے علاوہ 8 بنیادی اور اہم شعبوں میں پائیدار ترقیاتی منصوبے اور اقدامات فراہم کرتا ہے۔ ان میں تعلیم، صحت، پانی، توانائی، نقل و حمل، زراعت اور ماہی گیری، یمنی حکومت کی کارکردگی کیترقی اور حمایت شامل ہیں۔