اسرائیل اورلبنان کے درمیان منگل سے جنگ بندی کی پیش گوئیاں اورمنگل کوہی پھراسرائیلی بمباری

عین اس مرحلے پر جب اسرائیل اور لبنان کی حکومتیں جنگ بندی کے لیے امریکی تجویز پر باہم اتفاق کرتی نظر آرہی ہیں اسرائیل نے لبنانی دارالحکومت پر ایک بار پھر بمباری کر دی ہے۔

یہ بمباری اسرائیل کے اس جبری انخلا کے بعد منگل کے روز کی گئی جس کا حکم اسرائیلی فوج نے لبنانی دارالحکومت کے رہائشی شہریوں کو دے رکھا تھا۔

واضح رہے اسرائیل اور امریکہ کے درمیان ایک اتفاق ہو چکا تھا کہ اسرائیلی کابینہ منگل کے روز ہونے والے اجلاس میں جنگ بندی قبول کرلے گی۔

بین الاقوامی خبر رساں ادارے ' اے ایف پی ' نے جنوبی بیروت سے اسرائیلی بمباری کے باعث ہر طرف دھواں اٹھتا رپورٹ کیا ہے۔ یہ بمباری اور تباہی جنوبی بیروت کے مضافات تک پھیلی ہوئی دیکھی جا سکتی تھی جسے دھویں نے اپنے کور میں لے رکھا تھا۔