سعودی عرب شام میں دیر پا امن کے قیام کے لیےہرممکن تعاون کو تیار ہے:ذرائع

سعودی عرب کے ایک باوثوق ذریعے نے کہا ہے کہ مملکت برادر ملک عرب جمہوریہ شام میں دیر پا امن کے قیام کے لیے تعاون کرنے کےلیے پرعزم ہے۔

ذریعےکی طرف سےیہ بات ایک ایسے وقت میں سامنے آئی ہےجب کل جمعہ کوشام کے وزیر خارجہ اسعد الشیبانی دورہ ریاض کے موقعے پر کہا تھا کہ سعودی عرب شام کی نشاۃ ثانیہ میں حصہ لینے اور اس کے اتحاد اور علاقائی سالمیت کی حمایت کے لیے تیار ہے۔ سعودی ذریعے نے مملکت کی ترجیحات کا انکشاف کیا۔

ایک سعودی ذریعے نے کہا کہ ریاض شام میں امن کو فروغ دینے کے لیے پرعزم ہے۔ ذریعے کاکہنا ہے کہ مملکت وہاں استحکام کو بڑھانے کو اپنی اولین ترجیح قرار دیتا ہے۔

رائیٹرز کے مطابق انہوں نے یہ بھی وضاحت کی کہ اس نازک مرحلے پر سعودی عرب کی توجہ شامی عوام کو بنیادی انسانی امداد فراہم کرنے پر ہے۔ ذرائع اس بات کی طرف توجہ دلائی سعودی عرب علاقائی شراکت داروں کے تعاون سے امداد کے دائرہ کار کو وسعت دینے کے مواقع تلاش کر رہا ہے۔