لبنان مرحوم مسلم عالم القرضاوی کےبیٹےکو امارات کےحوالےکرےگا:وزیراعظم کے دفتر کا بیان

لبنانی وزیرِ اعظم کے دفتر نے کہا کہ لبنان مرحوم سینئر مسلم عالم یوسف القرضاوی کے بیٹے کو متحدہ عرب امارات کے حوالے کرنے کے لیے تیار ہے۔ یہ بیان منگل کو ملک کی نگراں کابینہ کی جانب سے اس اقدام کی منظوری کے بعد سامنے آیا ہے۔

ان کے وکیل محمد سبلوح اور انسانی حقوق کی تنظیم ایمنسٹی انٹرنیشنل کے مطابق مصری-ترک شاعر عبدالرحمٰن القرضاوی کو 28 دسمبر کو شام سے واپسی کے بعد لبنان میں حراست میں لیا گیا تھا۔

لبنانی حکام نے یوسف کو ان کے خلاف مصری عدالت کے 2016 کے فیصلے کی بنیاد پر روک دیا تھا۔

یہ گرفتاری عرب وزرائے داخلہ کی کونسل کے جاری کردہ انٹرپول نوٹس کی بنیاد پر کی گئی ہے جو 2016 کے عدالتی فیصلے پر مبنی تھا جس کے مطابق یوسف کو جھوٹی خبریں پھیلانے کے الزام میں تین سال قید کی سزا سنائی گئی۔

متحدہ عرب امارات اور مصر دونوں نے ان کی حوالگی کے لیے درخواستیں دائر کی ہیں۔

قرضاوی کے وکیل نے کہا کہ وہ بدھ کی صبح ان کی حوالگی کو روکنے کے لیے فوری اپیل دائر کریں گے لیکن خدشہ ہے کہ اس سے پہلے ان کے مؤکل کو ملک سے باہر بھیج دیا جائے گا۔