سعودی عرب : 27 لاکھ ایمفیٹامین نشہ آور گولیاں اور 4 ٹن حشیش اسمگل کرنے کی کوشش ناکام

سعودی عرب میں سیکورٹی حکام نے منشیات کی اسمگلنگ کی ایک نئی کوشش کو ناکام بنا دیا ہے، جس میں بڑی مقدار میں نشہ آور گولیاں پکڑی گئیں۔ ضبط شدہ اشیاء میں (27 لاکھ 56 ہزار 806) ایمفیٹامین نشہ آور گولیاں اور (19 لاکھ 44 ہزار 230) ایسی گولیاں شامل ہیں جو مخصوص ضوابط کے تحت استعمال کی جاتی ہیں۔

سعودی بارڈر گارڈز نے جن اشیاء کو ضبط کیا، ان میں تقریباً 4 ٹن "چرس" اور 180 ٹن نشہ آور "قات" شامل ہے۔ یہ اشیاء ملک کے مختلف علاقوں میں پکڑی گئیں جن میں تبوک، جازان، عسیر، نجران، مکہ مکرمہ، مدینہ منورہ، الشرقیہ صوبے شامل ہیں۔ منشیات کی اسمگلنگ میں ملوث افراد کی تعداد 1518 ہے، جن میں تمام افراد ایتھوپیا سے تعلق رکھنے والے بارڈر قوانین کے خلاف ورزی کرنے والے ہیں۔

اسی سلسلے میں، 893 مزید افراد کو گرفتار کیا گیا جو منشیات اسمگلنگ میں ملوث تھے۔ ان میں سب سے زیادہ یعنی 842 افراد یمن سے تعلق رکھتے ہیں جو بارڈر سیکیورٹی قوانین کی خلاف ورزی کر رہے تھے۔ ان کے علاوہ 7 سوڈانی، 6 اریٹریائی، 3 صومالی، 2 پاکستانی اور 33 سعودی شہری شامل تھے۔

سعودی وزارتِ داخلہ نے تمام شہریوں اور رہائشیوں سے اپیل کی ہے کہ منشیات کی اسمگلنگ یا فروخت سے متعلق کسی بھی معلومات کی اطلاع فوری طور پر متعلقہ حکام کو دیں۔ اطلاع دینے کے لیے مکہ، مدینہ، ریاض اور الشرقیہ صوبے میں 911، جب کہ بقیہ صوبوں میں 999، بارڈر گارڈز کے لیے 994 اور انسدادِ منشیات کے لیے 995 پر رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا۔