اسرائیلی فوج نے ایک بار پھر شام کے جنوبی علاقے قنیطرہ کے دیہی حصے میں گھس کر کارروائی کی ہے۔
شامی سرکاری ٹیلی ویژن کے مطابق منگل کے روز چار اسرائیلی ٹینک اور متعدد فوجی گاڑیاں قنیطرہ کے مضافات میں داخل ہوئیں۔
ذرائع کے مطابق اسرائیلی فوج نے وہاں کئی درخت اکھاڑ دیے اور ایک خالی فوجی چوکی میں بنے عارضی کمروں کو تباہ کر دیا۔
چند روز قبل بھی اسرائیلی فوج کی پانچ فوجی گاڑیاں قنیطرہ صوبے کی مشرقی صمدانیہ نامی بستی میں داخل ہوئی تھیں۔
گذشتہ برس 8 دسمبر کو سابق شامی حکومت کے خاتمے کے بعد سے اسرائیل نے شام کے اندر متعدد فوجی مقامات پر حملے کیے ہیں۔
اس دوران اسرائیلی فورسز نے جنوبی شام کے علاقوں میں بھی پیش قدمی کی اور 1974 ءکے جنگ بندی معاہدے کے تحت قائم غیر فوجی علاقے کے اندر تک توسیع کر لی۔
دوسری جانب اسرائیل اور شام کے درمیان ماضی میں ہونے والے کئی مذاکراتی دور کشیدگی میں کمی کے کسی معاہدے پر منتج نہیں ہو سکے۔
