سعودی عرب کی تدمر کے قریب شامی اور امریکی سکیورٹی فورسز پر دہشت گردانہ حملے کی مذمت

سعودی عرب نے شام کے شہر تدمر میں امریکی اور شامی فورسز پر دہشت گرد حملے کی شدید مذمت کی ہے جس میں انسداد دہشت گردی کے لیے جوائنٹ فیلڈ پٹرولنگ کے دوران شامی اور امریکی سکیورٹی فورسز کو نشانہ بنایا گیا۔ حملے کے نتیجے میں ہلاکتیں ہوئیں اور متعدد افراد زخمی ہوئے۔

سعودی عرب کی وزارت خارجہ نے پریس کو جاری بیان میں دہشت گردی کی ہر شکل اور صورت کو مسترد کرنے کے مملکت کے اصولی اور غیر متزلزل موقف کا اعادہ کیا۔ بیان میں متاثرین کے اہل خانہ سے دلی تعزیت اور ہمدردی کا اظہار کیا گیا اور شام اور امریکہ کی حکومتوں سے بھی اظہار تعزیت کیا گیا۔ وزارت خارجہ نے زخمیوں کی جلد صحت یابی کی دعا بھی کی۔