لبنان کے ساتھ مذاکرات شروع کرنےاورمیزائل حملےروکنےکےلیےانٹرسپٹرزکی قلت کی اسرائیلی تردید

اسرائیلی وزیر خارجہ گیڈون سائر نے ان رپورٹس کی تردید کی ہے کہ اسرائیل جلد لبنان کے ساتھ مذاکرات شروع کرنے والا ہے۔ انہوں نے ان خبروں کو بے بنیاد قرار دیا کہ اسرائیل جلد لبنان کے ساتھ براہ راست مذاکرات کرنے والا ہے۔

انہوں نے اس موقع پر ان خبروں کو بھی غلط قرار دیا کہ اسرائیل میزائل حملوں کو روکنے کے لیے استعمال ہونے والے انٹرسیپٹرز کی کمی کا شکار ہے۔ اس لیے ان دنوں میں تل ابیب پر زیادہ میزائل حملے ممکن ہو رہے ہیں۔

وزیر خارجہ اسرائیل نے کہا کہ دونوں خبریں بغیر نام کے ذرائع سے ہیں اس لیے غلط ہیں۔

انہوں نے کہا جو ان دونوں خبروں سے متعلق سوال کیے گئے ہیں، میں ان کا ایک ہی جواب دوں گا نہیں ، ایسا نہیں ہے۔

وزیر خارجہ نے کہا اسرائیل چیزوں پر نظر رکھے ہوئے ہے۔ ایران کے خلاف جنگ کا 16واں دن ہے۔ اس سلسلے میں امریکہ و اسرائیل دونوں ملک اپنے اہداف کے حصول کے لیے پختہ عزم کیے ہوئے ہیں۔ ہم اپنے وجود کو درپیش اس خطرے کا خاتمہ کرنا چاہتے ہیں اور ہم نہیں چاہتے کہ ہم ہر سال اس کے ساتھ نئی جنگ شروع کریں۔