عمان اور ایران کے حکام نے آبنائے ہُرمز پر تبادلۂ خیال کے لیے ملاقات کی

عمان اور ایران کے سینئر حکام نے اتوار کو ملاقات کی جس میں 'آبنائے ہرمز کے ذریعے آمدورفت کی ہموار روانی' کو یقینی بنانے کے لیے ممکنات پر تبادلۂ خیال کیا گیا۔

چار اپریل 2026 کو دونوں ممالک کی وزارتِ خارجہ کے ماتحت سیکرٹریز کی سطح پر ایک ملاقات ہوئی جس میں دونوں اطراف کے ماہرین نے شرکت کی۔

عمان کی وزارتِ خارجہ نے ایکس پر ایک بیان میں کہا، "ملاقات میں خطے میں موجودہ حالات کے درمیان آبنائے ہرمز کے ذریعے آمدورفت کی ہموار روانی کو یقینی بنانے کے لیے ممکنہ امکانات پر تبادلہ خیال کیا گیا۔ ماہرین نے متعدد نظریات اور تجاویز پیش کیں جن کا مطالعہ کیا جائے گا۔"

عمان نے قبل ازیں تہران کے جوہری پروگرام پر ایران اور امریکہ کے درمیان بالواسطہ مذاکرات میں ثالثی کی تھی۔

حالیہ دنوں میں صرف چند تجارتی جہازوں کو آبی گذرگاہ کے شمال میں ایران کے منظور شدہ راستے سے گذرنے کی اجازت ملی۔

تہران نے ہفتے کے روز اپنی بندرگاہوں تک ضروری سامان لے جانے والے جہازوں کے ساتھ ساتھ بھارت، ترکی، فرانس اور جاپان سمیت بعض غیر ملکی پرچم بردار بحری جہازوں کو گذرنے کی اجازت دی۔