سعودی عرب اور روس کے درمیان ویزا فری انٹری کے معاہدے پر عملدرآمد کا اعلان

سعودی عرب کی وزارتِ خارجہ نے آج واضح کیا ہے کہ سعودی عرب اور روس کے شہریوں کے لیے وزٹ ویزا سے باہمی استثنیٰ کا معاہدہ 11 مئی المقبل سے نافذ العمل ہو جائے گا۔

سعودی وزارتِ خارجہ کے مطابق یہ معاہدہ دونوں ممالک کے شہریوں کو بغیر ویزا داخلے کی سہولت فراہم کرتا ہے، جس کے تحت ایک عیسوی سال کے دوران مسلسل یا وقفے وقفے سے 90 دنوں تک قیام کی اجازت ہوگی۔

اسی تناظر میں سعودی وزارتِ خارجہ نے دونوں ممالک کے شہریوں کے لیے ویزا استثنیٰ کی 4 شرائط یا زمرے بھی متعین کیے ہیں، جن میں سیاحت، کاروباری دورہ، رشتہ داروں کی ملاقات اور دوستوں سے ملنا شامل ہے۔

روسی وزارتِ خارجہ نے اس حوالے سے بتایا ہے کہ ویزا استثنیٰ کا یہ معاہدہ جس پر یکم دسمبر سنہ 2025ء کو ریاض میں دستخط کیے گئے تھے، اب نافذ العمل ہو رہا ہے۔ اس کے تحت روسی شہری سعودی عرب میں بغیر ویزا داخل ہو سکیں گے اور ایک سال کے دوران مجموعی طور پر 90 دن تک قیام کر سکیں گے، بشرطیکہ وہ وہاں کوئی عملی سرگرمی (ملازمت) انجام نہ دیں، تعلیم حاصل نہ کریں یا مستقل رہائش اختیار نہ کریں۔ یہی شرائط سعودی شہریوں پر بھی لاگو ہوں گی جب وہ روس کا سفر کریں گے۔