شمالی اسرائیل میں راکٹ الرٹ کی آوازیں

اسرائیل کی لبنان کے ساتھ شمالی سرحد کے قریبی علاقوں میں جمعرات کی صبح تک کم از کم 14 راکٹ الرٹ سنائی دیے جیسا کہ اسرائیلی افواج امریکہ-ایران جنگ بندی کے باوجود حزب اللہ سے لڑ رہی ہیں۔

سرحدی علاقے سے اے ایف پی کی فوٹیج میں فضا میں راکٹ کی طویل لکیریں اور دھوئیں کے بادل نظر آئے جو روکٹوں کو روکنے کا اشارہ تھے۔

امریکہ-ایران کے درمیان جنگ بندی میں حزب اللہ کو شامل کرنے کے مطالبات ہو رہے ہیں جس پر اسرائیل نے کہا ہے کہ وہ اس میں شامل نہیں ہے۔

نصف شب سے شمالی اسرائیل میں راکٹ فائر کے کم از کم 14 وارننگ سائرن بج چکے ہیں۔ صرف کریات شمونہ شہر میں کم از کم چھے الرٹ کیے گئے ہیں۔

بعض رہائشیوں کے نزدیک اسرائیل کے شمالی محاذ پر لڑائی کا تسلسل دو برائیوں میں سے چھوٹی برائی ہے۔

"دراصل ہم کافی خوش بلکہ ہمیں اطمینان ہوا ہے کہ لبنان کو ایران سے جنگ بندی معاہدے میں شامل نہیں کیا گیا کیونکہ یہ ایک خطرہ ہے جس کا براہِ راست اثر اور دباؤ ہم پر ہوتا ہے،" فلورنس نے کہا جو شمالی مخلوط یہودی-عرب قصبے مالوت ترشیحہ میں رہتی ہیں۔ انہوں اپنا آخری نام بتانے سے انکار کر دیا۔

"حالیہ ہفتوں میں ہم نے واضح طور پر دیکھا ہے کہ حزب اللہ 2024 کے بعد سے مضبوط ہوئی ہے اور یہ شمالی اسرائیل میں شہری آبادی کے لیے مسلسل خطرہ ہے،" انہوں نے فون پر اے ایف پی کو بتایا کہ وہ "کئی لوگوں کی طرف سے" بات کر رہی تھیں۔

امریکہ-اسرائیل کے ہاتھوں ایران کے سپریم لیڈر کی ہلاکت کے انتقام میں حزب اللہ نے دو مارچ کو اسرائیل کی جانب راکٹ داغے جس کے بعد اسرائیل نے جنوبی لبنان کے علاقے میں وسیع پیمانے پر فضائی حملے شروع کر دیے۔