سعودی عرب کی طرف سے بحرین، اردن اور کویت پر ایرانی حملوں کی مذمت

سعودی عرب نے بدھ کے روز بحرین، اردن اور کویت پر ایران کے تازہ حملوں کی مذمت کی۔

اس سلسلے میں ایک بیان میں کہا گیا، "برادر ریاستوں کی سرزمین کی سلامتی اور امن کو لاحق خطرات کے حوالے سے وزارتِ خارجہ سعودی مملکت کی جانب سے برادر مملکت بحرین، برادر ریاست کویت اور برادر مملکت اردن کی خود مختاری کے خلاف بے رحمانہ ایرانی حملوں اور خلاف ورزیوں کی سخت ترین الفاظ میں مذمت کرتی ہے۔"

وزارت نے اس بات پر زور دیا کہ ان حملوں کا تسلسل "علاقائی و بین الاقوامی سلامتی کے لیے خطرہ" اور "تشدد کم کرنے اور خطے میں سلامتی و استحکام واپس لانے کی کوششوں کو نقصان پہنچاتا ہے۔"

بیان کا یوں اختتام کیا گیا، "سعودی مملکت بحرین، مملکت کویت اور اردن کی ہاشمی مملکت سے مکمل یکجہتی کا اعادہ کرتی ہے اور برادر ممالک اپنی خودمختاری، سلامتی، استحکام اور اپنے شہریوں اور علاقوں کے رہائشیوں کے امن کا تحفظ کرنے کے لیے جو بھی اقدامات اٹھاتے ہیں، اس کی حمایت کرتی ہے۔"