علاقائی مندوبین کی ملاقات، امریکہ ایران مذاکرات میں تیز پیشرفت پر زور

سعودی عرب، پاکستان، ترکیہ اور مصر نے اتوار کے روز قاہرہ میں ہونے والی ملاقات میں امریکہ اور ایران کے مذاکرات میں تیزی سے پیش رفت پر زور دیا جیسا کہ سوئٹزرلینڈ میں فریقین کے درمیان آج مذاکرات شروع ہوئے۔

ابتدائی معاہدے پر دستخط ہونے کے بعد سوئس مذاکرات امریکہ اور ایران کے درمیان اولین بات چیت ہیں اور توقع ہے کہ ایران کے جوہری پروگرام اور پابندیوں سمیت طویل عرصے سے جاری تنازعات کو حل کرنے کے لیے 60 دن کے مذاکراتی دور کا آغاز ہو گا۔

ایک مشترکہ بیان میں وزراء نے تصفیہ طلب مسائل حل کرنے کے لیے مذاکرات کے "تیز اور کامیاب اختتام" پر زور دیا جو "پائیدار اور باہم قابلِ قبول" ہو جبکہ علاقائی خدشات بالخصوص خلیجی ریاستوں کی سلامتی و استحکام کو مدنظر رکھا جائے۔