پاکستان: کرونا وائرس کے 541 نئے کیسز، مثبت شرح ساڑھے تین ہو گئی

ملک بھر میں کرونا وائرس سے مزید ایک شخص جاں بحق ہو گیا، گذشتہ چوبیس گھنٹے میں 541 نئے کیسز رپورٹ ہوئے۔

پاکستان کے وفاقی ادارہ برائے صحت 'نیشنل انسٹی ٹیوٹ آف ہیلتھ' [این آئی ایچ] کے مطابق کرونا کی ممکنہ چھٹی لہر کا خطرہ بڑھنے لگا ہے۔ ملک بھر میں کرونا کیسز کی تعداد میں اضافہ ہو گیا۔ ادارے کے مطابق کرونا کے مثبت کیسز کی شرح ساڑھے تین تک پہنچ گئی ہے۔

اس وقت 100 مریضوں کو انتہائی نگہداشت میں زیر علاج رکھا گیا ہے جبکہ ایک شخص لقمہ اجل بن گیا۔ گزشتہ چوبیس گھنٹے کے دوران 541 نئے کیسز رپورٹ ہوئے جبکہ 15 ہزار 462 ٹیسٹ کئے گئے۔