اسلام آباد: ملک بھر میں کرونا کے مزید 693 کیسز، 2 افراد جاں بحق

پاکستان بھر میں گزشتہ چوبیس گھنٹوں کے دوران کرونا وائرس کے باعث ملک بھر میں مزید 2 افراد جاں بحق ہو گئے اور اس کے علاوہ 693 نئے کیسز رپورٹ ہوئے۔

قومی ادارہ برائے صحت نے ٹوئتر پر بتایا کہ گزشتہ 24 گھنٹوں میں کرونا کی تشخیص کے لیے 23 ہزار 423 ٹیسٹ کیے گئے جن میں سے 693 افراد میں وائرس کی تشخیص ہوئی۔

قومی ادارے کے مطابق 24 گھنٹوں میں مثبت کیسز کی شرح 2.96 فیصد ریکارڈ کی گئی جبکہ عالمی وبا میں مبتلا 180 افراد کی حالت تشویشناک ہے۔