کراچی: نامعلوم افراد کی فائرنگ، 2 رینجرز اہلکار زخمی

کراچی کے علاقے ملیر میں نامعلوم افراد کی فائرنگ سے 2 رینجرز اہلکار زخمی ہوگئے۔

مقامی میڈیا کے مطابق کراچی پولیس کے ایس ایس پی ملیر کے مطابق رینجرز اہلکار ملیر میں چیکنگ کر رہے تھے کہ موٹر سائیکل پر سوار دو نوجوانوں کو اہلکاروں نے رکنے کا اشارہ کیا جو رکنے کی بجائے فرار ہوگئے۔

ایس ایس پی عرفان بہادر نے کہاکہ موٹر سائیکل پر سوار رینجرز کے اہلکاروں نے ان کا تعاقب کیا اس دوران فائرنگ کے تبادلے میں رینجرز کے دونوں اہلکار زخمی ہوگئے۔

زخمی اہلکاروں کو فوری طبی امداد کیلئے جناح ہسپتال منتقل کردیا گیا۔ زخمی اہل کاروں کی شناخت رمضان اور شاہد کے ناموں سے کی گئی۔ پولیس نے کہا کہ واقعہ سے متعلق تحقیقات جاری ہے۔