مملکت کے یوم تاسیس پر سعودی قیادت کے نام وزیراعظم پاکستان کا پیغام تہنیت

وزیراعظم محمد شہباز شریف نے سعودی عرب کے یوم تاسیس پر سعودی عرب کے فرمانروا شاہ سلمان بن عبدالعزیز، ولی عہد شہزاد محمد بن سلمان اور برادر سعودی عوام کو مبارکباد دی ہے۔

بدھ کو اپنے ٹویٹ میں وزیراعظم نے کہا کہ یہ دن سعودی عرب کی شاندار تاریخ، ثقافت اور غیر معمولی و قابل ذکر تبدیلی کی یاد دلاتا ہے۔ وزیراعظم نے یوم تاسیس پر سعودی عرب کے فرمانروا شاہ سلمان بن عبدالعزیز، ولی عہد شہزاد محمد بن سلمان اور برادر سعودی عوام کو دلی مبارکباد دی۔