دبئی کی فلک بوس عمارتیں دھند کے گھیرے میں!

دبئی کے رہائشیوں نے شہر میں دھند کی دبیز لہر میں گھر جانے کے بعد سماجی رابطوں کی ویب سائٹس پر دھند کی تصاویر اور ویڈیوز شائع کر کے اپنے جذبات کا اظہار کیا۔

'دبئی میڈیا آفس' نے اپنے ٹویٹر اکائونٹ پر دبئی کی بلند عمارتوں کو لپیٹ میں لینے والی دھند کی تصاویر شئیر کیں۔

امارات نیوز ایجنسی [وام نیوز] کے مطابق امارت کے محکمہ موسمیات نے ہفتے کے روز اعلان کیا تھا کہ اتوار کو ملک کے ساحلی علاقوں میں موسم دھندلا اور تر رہے گا۔

دبئی کی روڈ اینڈ ٹرنسپورٹ سروس نے شہریوں کے لئے ہدایات جاری کی ہیں کہ شہری دھند میں کم رفتار پر گاڑی چلائیں اور فوگ لائٹس کا استعمال کریں۔