پاکستانی طلبہ کے لیے 25 سعودی جامعات میں وظائف کا اعلان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب نے پاکستانی طلبہ و طالبات کے لیے 25 جامعات میں وظائف کا اعلان کیا ہے۔

پاکستان کے ہائیر ایجوکیشن کمیشن (ایچ ای سی) کے مطابق سعودی عرب کی جامعات میں داخلے کے خواہشمند طلبہ وطالبات متعلقہ یونیورسٹی کی ویب سائٹ پر درخواست دے سکتے ہیں۔

ایچ ای سی کے مطابق یہ سکالر شپس(وظائف) پولیٹیکل سائنس، قانون، ایجوکیشن، ایڈمنسٹریشن، معاشیات، انجینئرنگ، کمپیوٹر سائنس، ایگریکلچر، عربی/اسلامک سٹڈیز اور میڈیا سائنس میں دیے جا رہے ہیں۔

سکالرشپ کے لیے اہلیت کا معیار کیا ہے؟

سکالر شپ کے لیے درخواست گزار کا تعلق پاکستان یا پاکستان کے زیر انتظام کشمیر سے ہونا چاہیے۔ پچھتر 75 فیصد سکالر شپس پاکستان سے طالب علموں جبکہ 25 فیصد سعودی عرب میں مقیم پاکستانی طلبہ کو دیے جائیں گے۔ سکالرشپ کے لیے مرد وخواتین دونوں درخواست دینے کے اہل ہیں۔

سکالرشپ حاصل کرنے والوں کو یونیورسٹی کیمپسز میں رعایتی نرخوں پر کھانا، کھیلوں اور تفریح کی سہولیات فراہم کی جائیں گی جبکہ زیر کفالت افراد کے لیے سفری اخراجات میں معاونت بھی کی جائے گی۔

سائنس کی تعلیم حاصل کرنے والے طلبا کو ماہانہ 900 سعودی ریال جبکہ آرٹس والوں کو 850 سعودی ریال ماہانہ الاونس دیا جائے گا۔ اس حوالے مزید تفصیلات ایچ ای سی کی ویب سائٹ www.hec.gov.pk سے حاصل کی جا سکتی ہیں

مقبول خبریں اہم خبریں

مقبول خبریں