سعودی عرب میں وادی مراج کے دلفریب مناظر

سعودی عرب میں اللیث کے مشرق میں غمیقہ کے علاقے کے جنوب میں واقع ’’ وادی مراج‘‘ کی ایک دلفریب اور مسحور کن ویڈیو نے انٹرنیٹ پر توجہ حاصل کرلی ہے۔ ویڈیو میں وادی مراج میں بارشوں کے دوران پیدا ہونے والے جمالیاتی خوش کن منظر کو دکھایا گیا ہے۔ ویڈیو میں وادی کی خوبصورتی، زمین سے بہتی آبشاروں اور وادی میں پھیلی ہوئی ہریالی کو خوبصورتی سے فلمایا گیا ہے۔

بارش سے باخبر رہنے والے فوٹو گرافر رشود الحارثی نے اپنی ویڈیو سے متعلق ’’ العربیہ ڈاٹ نیٹ‘‘ سے گفتگو کی۔ انہوں نے بتایا کہ بارش کے بعد یہ مقام بہت خوبصورت د کھائی دیتا ہے ۔ علاقہ سبز جنت نظیر وادی میں تبدیل ہوگیا ہے۔ یہاں مختلف سمتوں سے پانی بہتا نظر آرہاہے۔ ان دلکش مناظر سے بڑی تعداد میں فوٹو گرافرز کو اپنی طرف متوجہ کرلیا ہے۔ بارش کے اثرات کے بعد کے خوبصورت مناظر کو پذیرائی مل رہی ہے۔

یاد رہے سعودی موسمیات کے مرکز نے ہفتہ کے روز ملک کے مختلف علاقوں میں بارش کا امکان ظاہر کیا تھا۔ ہفتہ کے روز سعودی عرب کے مختلف علاقوں میں بارش ہوئی اور بعض علاقوں میں برفباری بھی ہوئی۔