دہشت گرد حملوں کے لیے 400 داعشی یورپ میں درانداز !

ایک معروف امریکی خبر رساں ایجنسی نے سیکورٹی ذمہ داران کے حوالے سے بتایا ہے کہ شدت پسند تنظیم داعش نے یورپ میں حملوں کے لیے اپنے 400 ارکان بھیجے ہیں۔

ان ذمہ داران نے جن میں یورپی اور عراقی انٹیلجنس اہل کاروں کے علاوہ شدت پسند نیٹ ورکس کا جائزہ لینے والے ایک فرانسیسی رکن پارلیمنٹ بھی شامل ہیں. بتایا کہ داعش نے مغربی ممالک کے خلاف حملوں کی تربیت دینے کے لیے خصوصی عسکری کیمپ تیار کیے ہیں۔

ذمہ داران نے کے مطابق یورپ بھیجے گئے جنگجوؤں کو یہ احکامات دیے گئے ہیں کہ وہ مناسب وقت اور مقام پر بہتر سے بہتر انداز میں اپنے مشن پر عمل درآمد کریں۔