ملکہ رانیا کا بنگلہ دیش میں روہنگیا پناہ گزینوں کے کیمپ کا دورہ

اردنی فرمانروا شاہ عبداللہ دوم کی اہلیہ ملکہ رانیا نے کل سوموار کو بنگلہ دیش میں قائم روہنگیا مسلمان پناہ گزینوں کے ایک کیمپ کا دورہ کیا جہاں انہوں نے برما کی فوج کے مظالم کا شکار ہونےوالے بچوں اور دیگر افراد سے ملاقات کی۔

خیال رہے کہ برما کی فوج کے ظلم وستم سے تنگ آکر لاکھوں کی تعداد میں روہنگیا نسل کے مسلمان بنگلہ دیش میں پناہ لینے پر مجبور ہیں۔

عمان میں شاہی دیوان کی طرف سے جاری کردہ ایک بیان میں کہا گیا ہے کہ ملکہ رانیا نے گذشتہ روز بنگلہ دیش میں کوکس بازار کے علاقے میں قائم ’کوتوبالونگ‘ پناہ گزین کیمپ کا دورہ کہا۔ انہوں نے بچوں اور دیگر متاثرہ شہریوں سے ملاقات کی اور ان پر ڈھائے جانے والےمظالم کی روداد سنی۔

بیان میں کہا گیا ہے کہ اردن برما کی روہنگیا نسل کے مسلمانوں کے خلاف مکمل یکجہتی کا اظہار کرت ہوئے متاثرین کے حقوق کے تحفظ کے لیے اقوام متحدہ اور عالمی برادری کے ساتھ مل کر کام جاری رکھے گا۔

بیان میں مزید کہا گیا ہے کہ روہنگیا کے مسلمانوں پر ڈھائے جانے والے مظالم پر دنیا خاموش تماشائی بنی رہی جس کے نتیجے میں نہتے مسلمانوں کے خلاف مسلسل نسل پرستی اور ظلم کا مظاہرہ کیا گیا۔ برما کی حکومت اور فوج روہنگیا مسلمانوں کے حوالے سے عالمی قوانین اور انسانی اصولوں کی پاسداری نہیں کرسکی۔