.

برطانیہ : 70 برس سے ملکہ الزبتھ کے شریکِ حیات شہزادہ فلپ ہسپتال میں

پہلی اشاعت: آخری اپ ڈیٹ:

برطانیہ میں بکنگھم پیلس کی جانب سے جاری بیان کے مطابق ملکہ الزبتھ کے شوہر شہزادہ فلپ کو ران کے آپریشن کے سلسلے میں منگل کی دوپہر کِنگ ایڈورڈ ہفتم ہسپتال منتقل کر دیا گیا ہے۔ ان کا آپریشن بدھ کے روز ہو گا۔

واضح رہے کہ 96 سالہ شہزادہ فلپ آخری چند ہفتوں میں کئی عوامی ایونٹس میں شریک نہیں ہوئے۔ انہوں نے گزشتہ مئی میں اعلان کیا تھا کہ شاہی دیوان میں کئی دہائیوں تک خدمات انجام دینے کے بعد وہ تمام سرکاری ذمے داریوں سے سبکدوش ہو جائیں گے۔

شہزادہ فلپ گزشتہ چند سالوں میں دل کے مسائل اور بعض دیگر امراض کا شکار ہو چکے ہیں تاہم عمومی طور پر وہ ابھی تک اچھی صحت کے مالک ہیں۔

انہوں نے نومبر 2017ء میں ملکہ الزبتھ کے ساتھ شادی کی 70 ویں سال گرہ منائی تھی۔ اس موقع پر برطانیہ کی ملکہ نے اپنے شوہر کو ایک چٹان قرار دیا تھا جس پر وہ انحصار کرتی ہیں۔