سعودی کمپنی دارالارکان اورٹرمپ آرگنائزیشن میں عمان میں رئیل اسٹیٹ کی تعمیرکامعاہدہ
سعودی عرب کی رئیل اسٹیٹ کمپنی دارالارکان نے عمان کے شہرمسقط میں 4 ارب ڈالرمالیت میں ٹرمپ ریزارٹ تیارکرنے کے لیے ٹرمپ آرگنائزیشن کے ساتھ ایک معاہدے پر دست خط کیے ہیں۔
کمپنی نے اتوار کوایک بیان میں کہا کہ 100 میٹر بلند پہاڑی چوٹی کی تعمیروترقی دنیا کے سب سے بڑے مخلوط استعمال کے رئیل اسٹیٹ منصوبوں میں سے ایک ہوگی۔یہ سمندر کے کنارے واقع ہے۔
عمان ٹورازم ڈیولپمنٹ کمپنی (عُمران گروپ) کے ساتھ اس مشترکہ اے آئی ڈی اے(عیدہ) منصوبے میں مسقط کے قریب رہائشی ولا، ایک ہوٹل اور ایک گالف کورس تعمیرکیا جائے گا۔
اس منصوبہ پر ترقیاتی کام اگلے سال شروع ہوگا اور توقع ہے کہ اس کی تکمیل میں ایک دہائی سے زیادہ کا وقت لگے گا۔
ٹرمپ آرگنائزیشن کے ایگزیکٹو نائب صدر ایرک ٹرمپ نے ایک بیان میں کہا کہ ’’جب ہم اپنے اگلے منصوبے کو دیکھ رہے تھے اور جہاں ہم اپنے قدموں کو بڑھانا چاہتے تھے، تو ہم جانتے تھے کہ یہ ایک شاندار مقام اورایک حیرت انگیز ٹیم کے ساتھ ہونا چاہیے‘‘۔
انھوں نے کہا کہ اے آئی ڈی اے منصوبہ ، مسقط کے قلب میں اور براہ راست ناقابل یقین سمندر کے سامنے واقع ہے۔دارالارکان کے ساتھ مل کر، ہم بہترین رہائشی ولا، ایک عالمی معیار کے ہوٹل، اور ایک مشہور گالف کورس کے ساتھ ایک غیر معمولی ٹرمپ گالف ریزارٹ تیارکرنے جا رہے ہیں۔
انھوں نے کہا کہ عیدہ کے ماسٹرپلان کو آرکیٹیکچرل بنیادوں کو اپنانے کے لیے ڈیزائن کیا گیا تھا۔اس میں عمان کے انمول قدرتی ماحول کو استعمال کیا گیا تھا۔علاقے کی جغرافیائی اور منفرد ماحولیاتی خصوصیات کو محفوظ کرنے کے ساتھ گھروں کوچٹانوں کے اندربغیرکسی رکاوٹ کے ضم کیا جائے گا۔
دارالارکان کے چیئرمین یوسف الشلاش نے کہا کہ اعلیٰ معیار،اکملیت اور کمال وہ معیارہیں جن کی ٹرمپ اپنے تمام منصوبوں میں عکاسی کرتے ہیں۔ ٹرمپ آرگنائزیشن اپنی خصوصی، عالمی معیار کی تعمیروترقی کے لیے جانی جاتی ہے۔وہ رہائش سے ریزارٹ تک، ہوٹل سے گالف تک، اور تجارتی دفاتر سے عام دکانوں کی تعمیرتک میں اپنی ایک پہچان رکھتی ہے۔
ان کا کہنا تھاکہ’’ہم ہمیشہ دارالارکان کے منفرد منصوبوں کو پریمیم سہولیات اور تجربات کے ساتھ بڑھانے کے خواہاں ہیں، اور ٹرمپ کے ساتھ ہماری شراکت داری عمان میں ہمارے پہلے منصوبہ کو عالمی نقشے پرنمایاں کرے گی‘‘۔
اس منصوبے کے تحت مسقط میں تعمیرکیے جانے والے نئے گالف کورس میں گالف کی جدید سہولیات دستیاب ہوں گی اورایک وسیع گالف کلب ہوگا۔
دارالارکان گلوبل کے سی ای او زیدالشعارکہتے ہیں کہ ’’عیدہ ایک اونچی چوٹی پرواقع ہوگا جو دنیا کے سب سے زیادہ سانس خوب صورت افق میں سے ایک کانظارہ کرے گا۔اس شاندار ماحول میں ایک ولا کی خوب صورت ترتیب کا تصورکریں یا سمندرکا نظارہ کرتے ہوئے گالف کھیلیں،یہ واقعی بے مثال ہوگا‘‘۔
