یمنی تاجر کی ثالثی میں ترک شیف بوراک اور والد کے درمیان صلح ہوگئی

شدید اختلافات کے بعد ، ایسا لگتا ہے کہ ترک شیف بوراک اور ان کے والد کے درمیان معاملات ایک یمنی تاجر کی ثالثی کے بعد صلح کے قریب ہیں۔

سوشل میڈیا اور مقامی اخبارات پر مشہور شیف اور اس کے والد اسماعیل اوزدیمیر کے درمیان مفاہمت کی خبریں گردش میں ہیں۔ جیسا کہ بوراک کے والد نے کہا۔

"میرے اور بوراک کے درمیان اب خیر کے سوا کچھ نہیں ہوگا۔"

ایک غلط فہمی.. اور چیزیں پہلے جیسی ہیں۔

اپنے بیان میں انہوں نے کہا کہ "بوراک ہمارا بیٹا ہے، اور ہم صرف اس کی بھلائی چاہتے ہیں، اور اس کے اور میرے درمیان ایک غلط فہمی تھی، اور ان شاء اللہ، چیزیں اپنی سابقہ ​​حالت پر واپس آجائیں گی، وہ ریستورانوں پر واپس آ جائے گا اور پہلے کےطرح لوگ اس سے محبت کرتے ہیں اور وہ لوگوں سے محبت کرتا ہے۔"

ان دونوں کے درمیان حال ہی میں بیٹے کے علم میں لائے بغیر ریستوران بیچنے کی وجہ سے پیدا ہونے والے تنازعہ شدت اختیار کر گیا تھا۔

دو روز قبل یمنی تاجر حامد المقطاری نے اپنےانسٹاگرام اکاؤنٹ پر شیف بوراک اور ان کے والد کے درمیان صلح کے لمحات کی ویڈیو شیئر کی تھی۔

اور اس ویڈیو میں، جو سوشل میڈیا پر پھیلی ہوئی ہے، شیف بوراک اپنے والد کے ساتھ نظر آئے، حامد نے لکھا "میرے پیارے بوراک اور ان کے پیارے والد۔ … آج میں نے بوراک اور اس کے والد کے درمیان صلح کرادی … میں اللہ سے ان کی کامیابی کے لیے دعا گو ہوں۔

جھگڑے کی وجہ

بوراک اور ان کے والد کے درمیان تنازعہ گذشته جولائی کو شروع ہوا جب بین الاقوامی شیف نے ایک ویڈیو میں اپنے مداحوں کو بتایا کہ انہوں نے اپنے والد کے خلاف اور ان کا ریستوران اور کچھ چیزیں بیچنے پر دھوکہ دہی کا مقدمہ دائر کیا ہے۔

تاہم، والد نے اپنے خلاف الزامات کی تردید کی، اور کہا کہ انہیں اپنے بیٹے کی جائیداد کے حقوق فروخت کرنے کا حق حاصل ہے۔ انہوں نے اپنے بیٹے پر 6 فروری کو ملک کے جنوب میں آنے والے زلزلے سے فائدہ اٹھانے اور شہرت حاصل کرنے کا الزام بھی لگایا۔